Bu analizlər ona görə Türkiyəyə göndərilir ki... - Həkim səbəbələri açıqladı
Bunu Kommersnat.az-a infeksionist-hepatoloq Mərdan Əliyev ölkənin bəzi özəl klinikalarında verilən analizlərin cavabının Türkiyədən gəlmə səbəblərini şərh edərkən bildirib.
Həkim qeyd edib ki, hətta genetik olmayan bəzi analizlər də var ki, onlar da nəticələrinin öyrənilməsi üçün Türkiyəyə göndərilir:
“Hətta 5-6 il bundan əvvəl daha çox analizlər, hətta hepatitlərlə bağlı analizlər də Türkiyəyə göndərilirdi”.
Həmsöhbətimizin sözlərinə görə, bu analizlərə tələbat az olduğuna görə, özəl klinikalar həm aparatını, həm reaktivlərini ölkyə gətirməyə maraqlı deyillər:
“ Buna görə də elə bu analizləri Türkiyəyə göndəririlər. Lakin hamsıı göndərilmir, bizdə genetik laboratoriyalar da var, özümüz də bu analizlər gedir”.
Həkim onu da əlavə edib ki, əgər bu analizlərə dövlət səviyyəsində təlabat varsa, dövlət xəstəxanalarında bu analizlər aparılmalıdır.
“Buna görə də həmin analizlərin nəticələrini açıqlayan aparat və reaktivlərin Azərbaycanda olması məqsədə uyğundur”.
Digər xəbərlər
Tramp effekti: Tesla-nın bazar dəyəri bütün avtomobil şirkətlərini “üstələyir”
