İngiltərədə ərzaq qiymətlərində son 45 ildə kəskin artım
Kommersant.az xəbər verir ki, Britaniya Milli Statistika İdarəsinin (ONS) məlumatına görə, bu ilin mart ayında ölkədə inflyasiya artımı 10,4 faizdən 10,1 faizə enib, ərzaq məhsullarının qiymətləri isə keçən ay 19,2 faiz artaraq 1977-ci ildən bəri ən kəskin artım olub. Əvvəlki ayda (fevralda) ölkədə ərzaq və alkoqolsuz içkilərin qiymətləri illik bazada 18,2 faiz artıb.
İnflyasiya məlumatlarını şərh edən ONS baş iqtisadçısı Qrant Fitzner bildirib ki, mart ayında inflyasiyanın yavaşlamasına yanacaq qiymətlərindəki azalma təsir edib. Fitzner qeyd edib ki, ərzaq qiymətləri artmağa davam etdiyi üçün bu töhfə böyük ölçüdə yox olub.
Qlobal ərzaq qiymətlərinin eniş trendində olduğunu xatırladan Fitzner, bu enişin İngiltərədəki supermarket şəbəkələrinin qiymətlərində hələ də əks olunmadığını bildirib.
Digər xəbərlər
Böyük Britaniya Apple və Google-a qarşı antiinhisar araşdırmasına başlayıb
BVF-nin rəhbəri Georgieva: AI qlobal artımı əhəmiyyətli dərəcədə artıra bilər
