"Azəri Mərkəzi Şərqi" platforması üzrə işlər 86% tamamlanıb

2023-cü ilin birinci rübünün sonuna "Azəri-Çıraq-Günəşli" yataqlar blokunda" Azəri Mərkəzi Şərqi" ACE layihəsi üzrə işlər ümumilikdə 86% tamamlanıb.

Kommersant.az bu barədə cümə axşamı bp-yə istinadən xəbər verir.

ACE platformasının dayaq blokunun sualtı konstruksiyalarının və qovşaqlarının quraşdırılması işləri hazırda 94% tamamlanıb.

ACE platformasının üst modullarının və qazma avadanlıqlarının istehsal-quraşdırma işləri Bibiheybətdəki tikinti sahəsində davam edib. Hazırda tikinti işlərinin və sahə istismar sınaqlarının son mərhələsi həyata keçirilir və bu işlərin 2023-cü ilin ikinci rübündə başa çatacağı gözlənilir.

Bütün istismar sınaqları bitdikdən sonra üst modullar STB-1 daşıma barjasına yüklənəcək, dənizə göndəriləcək və AÇG yatağı sahəsində artıq öz yerində olan dayaq blokunun üzərinə quraşdırılacaq.

neft

News Department

Xəbərin müəllifi

Facebok Twitter LinkedIn

Əvvəlki
Azərbaycanda əl yandıran turizm qiymətləri - İqtisadçı səbəbləri açıqlayır
Sonrakı
"Ermənistan və Azərbaycanın əldə etdiyi irəliləyişi alqışlayırıq" — Baydenin müşaviri