Evdar qadınlara pensiya verilməlidir?
Kommersant.az xəbər verir ki, bu sözləri sosioloq Əhməd Qəşəmoğlu “ evdar xanlmlara pensiya verilməlidirmi” sualını cavabblandırarkən deyib.
Sosioloq evdar xanımlara pensiyaların verilməsinin doğru ola biləcəyini düşünür:
“ Çünki onlar evdə özləri üçün də, vətən üçün də övlad böyüdür, həyat yoldaşının öz işində daha uğurlu olması üçün dəstək olur.
Bunlar hamısı ölkə üçün olur, xalqa faydalı işlərdi. Ona görə də bu qadınlara pensiya verilməlidir. Bu həm də ailələrdə çox uşaq doğulmasına stimul verən mühüm səbəblərdən biridir”.
Əhməd Qəşəmoğlu deyib ki, eyni zamanda burada maarifləndirmə işi də aparılmalıdır.
“Qadınlara sadəcə pul verməklə iş bitmir. Onlara asudə vaxtını keçirməsi, maraqlarına uyğun klublar yaratmaqla, onları bir insan kimi həyatda, cəmiyyətdə rol oynamaqlarına şərait yaratmaq lazımdır. Gələcək cəmiyyət bunları da tələb edir. Ona görə də kompleks tədbirlər həyata keçirilməlidir bu tədbirlərin mühüm vasitələrindən biri də pensiyalardı”.
Digər xəbərlər
Azərbaycan Milli Depozit Mərkəzində saxlanılan aktivlərin məbləği açıqlanıb
Gələn il real iqtisadi artım tempinin 3,3% olacağı gözlənilir - Mərkəzi Bank
