Qalatasaray və SOCAR arasında bütün filialları əhatə edən sponsorluq müqaviləsi

Qalatasaray Klubu enerji şirkəti SOCAR ilə bütün filialları əhatə edən sponsorluq müqaviləsi imzaladığını açıqlayıb.

Sarı-qırmızılı klubdan verilən açıqlamada "Qalatasaray klubu ilə Azərbaycanın enerji nəhəngi SOCAR arasında 2023-2024 mövsümündən başlayaraq bütün filialları əhatə edən 3 illik sponsorluq, reklam və tanıtım hüquqları müqaviləsi imzalanıb" deyilir.

Razılaşmaya əsasən, SOCAR-ın sarı-qırmızılı futbol komandasının avrokuboklarda keçiriləcək oyunlarda formanın döş hissəsində də yer alacağı bildirilib.

SOCAR Türkiye, Qalatasaray İdman Klubu və Galatasaray Sportif A.Ş. SOCAR arasında bağlanmış müqaviləyə əsasən, “Qalatasaray Enerji Sponsoru” terminindən bütün kanallarda istifadə etmək hüququ verilib. Bundan əlavə, Qalatasaray Futbol Komandası 2023-2024-cü illər mövsümündə UEFA çərçivəsində bütün rəsmi yarışlarda (Çempionlar Liqası, Avropa Liqası və Konfrans Liqası daxil olmaqla) və sinə üzərində SOCAR loqosu olan avrokubok matçlarında çıxış edəcək.

SOCAR Türkiyə şirkətinin baş icraçı direktoru (vəzifəsini icra edən) Elçin İbadov əməkdaşlıqdan böyük məmnunluq duyduqlarını bildirərək, “SOCAR olaraq Türkiyədəki investisiyalarımıza yeni bir həlqə əlavə edirik. Azərbaycan və Türkiyənin qədim dostluq və qardaşlığını “Qalatasaray” İdman Klubu ilə bağladığımız müqavilə ilə taclandırırıq. Türkiyəni Avropada uğurla təmsil edən, ölkə xaricində çoxlu qələbələr qazanan “Qalatasaray”ın yeni uğurlarına inanır və komandamızı ürəkdən dəstəkləyirik. Adımızı təkcə Türkiyədə deyil, dünyada tanıdan “Qalatasaray”la dostluq edərək enerjimizi futbol dünyasına daşıyacağıq. Bu razılaşmanın yeni uğurlara vasitəçilik etməsini və çoxlu qələbələr gətirməsini arzulayıram”.

Qalatasaray İdman Klubunun prezidenti Dursun Özbek, bu müqavilə ilə iki mühüm markanın enerjisinin birləşdirildiyini vurğulayaraq, “Ulu Öndər Qazi Mustafa Kamal Atatürk tərəfindən qurulan Türkiyə Cümhuriyyətinin 100-cü ildönümündə qurulan bu müqavilə və Azərbaycanın Ümummilli Lideri Heydər Əliyevin anadan olmasının 100-cü ildönümü münasibətilə iki qardaş ölkənin idman və enerji sahəsindəki aparıcı təşkilatları mənalı əməkdaşlıq çərçivəsində güclərini birləşdirdi. Bu əməkdaşlığın hər iki tərəf, xüsusilə də iki qardaş ölkə üçün faydalı olmasını arzulayıram”.