Aqrar Sənaye Banklarının yaradılması problemin həlli deyil

Aqrar Sənaye Banklarının yaradılması problemin həlli deyil - Yük dövlətin üzərinə düşəcək

Kənd Təsərrüfatı Nazirliyinin nəznində fəaliyyət göstərən Aqrar Kredit və İnkişaf Agentliyi fəaliyyət göstərsə də, bəzən fermerlər kreditlərin əlçatalığının təmin edilməsi məqsədi ilə Aqrar Sənayə Banklarının yaradılmasını da tələb edir. Bəs ölkədə adı çəkdiyimiz fond varsa, əlavə bankın olmasına ehtiyac varmı?

Kommersant.az məsələni Pərviz Heydərovla müzakirə edib.

Pərviz Heydərov düşünür ki, ölkədə Aqrar Sənaye Banklarının yaradılmasına ehtiyac yoxdur.

Ekspert bunu bir neçə səbəblə əlaqələndirir:

“Söhbət əgər ümumən bank sektorunda kreditlərə, vəsaitlərə əlçatanlığın problem olmasından gedirsə, yeni bir qurumun, yeni bankın təşkilinin bu sahədə hansı müsbət rol oynayacağı sual altındadır.

İndiki halda ölkədə 25 bank fəaliyyət göstərirsə, fermerlərin, kənd təsərrüfatı ilə məşğul olan şəxslərin bu banklardan kredit əldə etmək çətinlikləri varsa, bu bankın yardılması hansı müsbət rol oynaya bilər, hansı yeni bir mexanizm əsasında həyata keçirləcək. Belə çıxır ki, yenə dövlətin üzərinə yük düşəcək. Ona görə də mən bankın yaradılmasına ehtiyac görmürəm”.