20.07.2023 İqtisadiyyat

38 0

Kommersant.az xəbər verir ki, bunu Dövlət Neft Fondundan Azərbacan büdcəsinə daxil olmaların azalması haqqında danışarkən Neft Araşdırmaları Mərkəzinin sədri İlham Şaban deyib.

İlham Şaban deyir ki, büdcəyə bu vəsaitlər daxil olarkən neftin qiymətini 50 dollardan götürülüb.

Yəni belə müyyənləşib ki, Dövlət Neft Fondunun gəlirlərindən büdcəyə müəyyənləşdirilmiş vəsait köçürüləcək, qalan vəsaitdən də transferlər olacaq. Ancəq əvvəldən faktiki olaraq həmin qiymətlər 50 faiz yuxarı olacaq. Nəticədə istər Dövlət Neft Şirkəti olsun, istər digər neft şirkətləri olsun, onların dövlət büdcəsinə köçürmələri kəskin artdı.

Dövlət büdcəsində birinci yarım ildə bir milyard manat ancaq Dövlət Neft Şirkəti pul köçürüb. Şahdəniz və AÇQ-dən köçürmələr 3milyard olub. Ancaq bu vəsaitin 2 milyard olacağı proqnoz edilmişdi, bu vəsait 2 dəfə çox oldu. Ona görə də büdcəyə əlavə vəsait köçürülməsinə ehtiyac olmadı”.

Qeyd edək ki, Bu ilin I yarısında Dövlət Neft Fondunun (ARDNF) aktivləri 12% artaraq iyulun 1-nə 54 milyard 915,1 milyon ABŞ dolları təşkil edib.

Məlumata görə, yanvar-iyun aylarında ARDNF-nin büdcə gəlirləri 11 milyard 701,4 milyon manat, büdcə xərcləri isə 2 milyard 680,8 milyon manat təşkil edib. Azərbaycan Maliyyə Nazirliyinin verdiyi məlumata görə, Azərbaycan Respublikasının Dövlət Neft Fondundan dövlət büdcəsinə proqnozla nəzərdə tutulan 5640,0 milyon manat məbləğində transfertə qarşı 2661,0 milyon manat məbləğində transfert daxil olub.

Məlumata görə, hesabat dövründə dövlət büdcəsinə vergi, gömrük rüsumları və idxala vergi daxilolmalarında müşahidə olunan müsbət dinamika ARDNF-in cari ilin birinci yarımilliyi üçün dövlət büdcəsinə nəzərdə tutulan transfertdən 2979,0 milyon manat və ya 52,8 faiz az istifadə olunmasına imkan verib.