PacWest-in səhmləri 1,1 milyard dollarlıq satışdan sonra yüksəldi
ABŞ-ın Kaliforniya Bankı Los-Ancelesdə yerləşən PacWest Bancorp-u 1,1 milyard dollara almağa razılaşdıqdan sonra Pacwest-in səhmləri açılış öncəsi ticarətdə təxminən 38 faiz artıb.
Pacwest, bu ilin əvvəlində üç bankın iflası ilə başlayan bank böhranından ağır zərbə alan banklar sırasındadır.
PacWest mayın 4-də bank sektorunda böhranla bağlı artan narahatlıqlardan və ABŞ-ın regional bank səhmlərinin aşağı düşməsindən sonra potensial tərəfdaşlar və investorlarla strateji seçimlər barədə danışıqlar apardığını elan etdi.
Raymond James analitiki Devid Lonq deyib: "Biz inanırıq ki, PacWest-in satışı, mart ayında bank böhranından bəri üzləşdiyi çətinlikləri nəzərə alaraq, səhmdarlar üçün məna kəsb edir".
Banc of California səhmləri də birja açılmazdan əvvəl təxminən 13 faiz bahalaşaraq 16,50 dollara satılırdı.
Digər xəbərlər
Azərbaycan Milli Depozit Mərkəzində saxlanılan aktivlərin məbləği açıqlanıb
Gələn il real iqtisadi artım tempinin 3,3% olacağı gözlənilir - Mərkəzi Bank
