Çin Xalq Bankı məcburi ehtiyat dərəcələrini azaldıb
.jpg)
Çin Mərkəzi Bankından verilən açıqlamada, məcburi ehtiyat nisbətinin 15 sentyabr tarixindən etibarən 25 baza bəndi azaldılacağı bildirilib. Bəyanatda qeyd olunub ki, qərar “iqtisadi canlanmanın əsaslarını gücləndirmək və bazarı kifayət qədər nağd pulla təmin etmək məqsədi daşıyır”.
Qərardan sonra maliyyə qurumlarına tətbiq edilən məcburi ehtiyat normalarının orta çəkili 7,4 faizə enməsi nəzərdə tutulur. Bazara daha çox likvidlik təmin etmək və kredit bazarını asanlaşdırmaq məqsədi daşıyan qərarın təqribən 500 milyard yuan (təxminən 68,7 milyard dollar) pul vəsaitinin sərbəst buraxılacağı təxmin edilir. Çin Mərkəzi Bankı sonuncu dəfə martın 17-də məcburi ehtiyat dərəcələrini 25 baza bəndi azaldıb. Bank sentyabrın 1-də açıqlayıb ki, bankların və maliyyə qurumlarının ehtiyat kimi saxlamalı olduqları valyuta depoziti məzənnəsi sentyabrın 15-dən etibarən 6 faizdən 4 faizə endiriləcək.
Digər xəbərlər
