ABŞ-ın ticari xam neft ehtiyatları 4 milyon 500 min barrel azaldı

ABŞ-ın ticari xam neft ehtiyatları keçən həftə bir əvvəlki həftəyə görə təxminən 4 milyon 500 min barrel azaldı.

ABŞ Enerji İnformasiya İdarəsi (EIA) ölkədəki ticari xam neft ehtiyatlarının keçən həftə təxminən 4 milyon 500 min barrel azalaraq 419 milyon 700 min barrelə çatdığını açıqladı. Bazar gözləntisi ehtiyatların 4 milyon 400 min barrel azalacağı idi.

Kommersiya xam neft ehtiyatlarına daxil olmayan strateji xam neft ehtiyatları isə dəyişməyərək 351 milyon 300 min barrel olub.

Sözügedən dövrdə ABŞ-ın benzin ehtiyatları təxminən 2 milyon 400 min barrel azalaraq 223 milyon 300 min barrelə düşüb.

ABŞ-ın xam neft idxalı keçən həftə əvvəlki həftəyə görə gündəlik orta hesabla 387 min barrel azalaraq 5 milyon 942 min barrelə çatıb. Xam neft ixracı gündəlik orta hesabla 2 milyon 234 min barrel artaraq 5 milyon 301 min barrelə çatıb.

Ölkənin gündəlik xam neft hasilatı 7-13 oktyabr həftəsində 1000 barel azalaraq 13 milyon 617 min barrel olaraq qeyd edilib.

EIA-nın "Oktyabr 2023 Qısamüddətli Enerji Görünüşü Hesabatına" görə, ABŞ-ın gündəlik orta xam neft hasilatının bu il təxminən 12 milyon 920 min barrel, gələn il isə 13 milyon 120 min barrel olacağı gözlənilir.