Böyük Britaniyada işsizlik sabit olaraq qaldı

İngiltərədə işsizlik iyul-sentyabr dövründə dəyişməz olaraq 4,2 faiz təşkil edib.

Britaniya Milli Statistika İdarəsinin (ONS) əmək bazarı ilə bağlı açıqladığı məlumatlara görə, Birləşmiş Krallıqda iyul-sentyabr dövründə məşğulluq nisbəti yüzdə 75,7 olub. Bu dövrdə işsizlik 4,2 faiz səviyyəsində dəyişməz qalıb.

İngiltərə Bankının (BoE) faiz dərəcəsi qərarları baxımından yaxından izlədiyi maaş artımları yüksək olaraq qalmağa davam etdi.

Sözügedən dövrdə, mükafatlar istisna olmaqla işçilərin müntəzəm maaşlarında illik artım əvvəlki üç aylıq dövrlə müqayisədə yüzdə 7,7 ilə məhdud azalma göstərmiş, maaşlardakı artım isə 2001-ci ildən bəri görülən ən yüksək illik artımlar arasında olub.

Eyni dövrdə mükafatlar da daxil olmaqla orta əməkhaqqının illik artımı 7,9 faiz olaraq hesablanıb.

ONS İqtisadi Statistika Direktoru Darren Morgan, məlumatları qiymətləndirərkən, əmək bazarındakı ümumi mənzərənin ilin üçüncü rübündə çox dəyişmədiyini bildirib.

BoE qubernatoru Endryu Beyli daha əvvəl əmək haqlarının artım tempinin dayanıqlı olmadığını bildirmişdi.