05.12.2023 İqtisadiyyat

0 0

Moody's-in qlobal bank sektoru ilə bağlı açıqladığı hesabatda qlobal iqtisadiyyatdakı zəifliyin və borcluların kredit ödənişlərini həyata keçirə bilməməsinin bankların gəlirliliyinə təzyiq göstərməsinin gözlənildiyi, bunun da 2024-cü ildə bankların üzləşəcəkləri mənfi proqnoz olduğu bildirilir.

Hesabatda qeyd olunub ki, mərkəzi banklar tərəfindən faiz artımı və inkişaf etmiş iqtisadiyyatlarda işsizlik nisbətlərinin artması qlobal bankların aktiv keyfiyyətini zəiflədə bilər.

Moody's hesabatında ABŞ və Avropada daşınmaz əmlak sektorunun mövqelərinin qlobal bankların gələn il üçün perspektivləri üçün artan risk yaratdığı vurğulanıb.

Hesabatda pul siyasətinin gələn il sərt şəkildə davam edəcəyinin gözlənildiyi və bunun gələcəkdə mərkəzi bankların faiz dərəcələrini aşağı salacağı ilə bağlı hazırkı proqnozlara baxmayaraq, qlobal iqtisadiyyatın yavaşlamasına səbəb olacağı bildirilib.

“İstehlakçılar və müəssisələrin xərclərinin durğunluğu, zəif ixrac və davam edən daşınmaz əmlak böhranı səbəbindən Çinin artımının yavaşlaması (gələn il) gözlənilir”, - deyə hesabatda qeyd olunub.

Moody's hesabatında yüksək maliyyə xərcləri, aşağı kredit artımı və bankların potensial defoltları ödəmək üçün ehtiyat toplaması səbəbindən gələn il qlobal bankların gəlirliliyinin azalacağı proqnozlaşdırılır.