OPEC-in gündəlik neft hasilatı 57 min barrel azalıb

Neft İxrac Edən Ölkələr Təşkilatının (OPEC) xam neft hasilatı bu ilin noyabr ayında əvvəlki ayla müqayisədə gündəlik 57 min barrel azalaraq təxminən 27 milyon 840 min barelə enib. Təşkilatın bu il üçün qlobal neft tələbi proqnozu dəyişməyib.

Neft İxrac Edən Ölkələr Təşkilatının (OPEC) aylıq neft bazarı hesabatına görə, bu ilin noyabr ayında xam neft hasilatı ən çox artan ölkələr Venesuela, Liviya və Küveyt, ən çox azalan ölkələr isə İraq, Anqola və Nigeriya olub.

Gündəlik neft hasilatı Venesuelada 23 min barel, Liviyada 21 min barel, Küveytdə isə 19 min barel artıb. Hasilat İraqda 77 min barel, Anqolada 37 min barel, Nigeriyada 17 min barel azalıb.

Noyabrda OPEC-in xam neft hasilatının qlobal hasilatdakı payı 27,4 faiz olaraq qeydə alınıb. Belə ki, OPEC-in xam neft hasilatı noyabrda əvvəlki ayla müqayisədə gündəlik 57 min barrel azalaraq təxminən 27 milyon 840 min barrelə düşüb.

OPEC-ə daxil olmayan ölkələrin hasilatı eyni dövrdə gündəlik təxminən 400 min barel artaraq təxminən 73 milyon 900 min barelə çatıb.

Keçən illə müqayisədə təxminən 900 min barel çox olan bu hasilatın ən böyük artımı digər Asiya ölkələri və Kanadada, hasilat isə Rusiya və Qazaxıstanda azalıb.

Buna görə qlobal neft hasilatı noyabr ayında bir əvvəlki aya görə gündəlik 400 min barrel artaraq təxminən 101,7 milyon barel olub.

Ötən ay dünyada neft qazma quyularının sayı 17 ədəd artaraq 1865-ə çatıb. Qazma qurğularının sayı OPEC ölkələrində 13, qeyri-OPEC ölkələrində isə 4 ədəd artıb.