İngiltərədə illik inflyasiya 3,9 faizə düşüb

İngiltərədə İstehlak Qiymətləri İndeksi (CPI) noyabr ayında illik bazda yüzdə 3,9 artaraq bazarın gözləntilərindən daha çox yavaşladı.

İngiltərə Milli Statistika İdarəsinin (ONS) məlumatına görə, oktyabrda 4,6 faiz olan illik inflyasiya noyabrda 3,9 faiz olub. Noyabrda illik inflyasiyanın 4 faiz olacağı gözlənilirdi.

Beləliklə, ölkədə inflyasiya 2021-ci ilin oktyabr ayından bəri ən aşağı səviyyəyə düşüb və 4,2 faiz təşkil edib. İnflyasiya aylıq 0,2 faiz azalıb.

Ərzaq və enerji qiymətləri nəzərə alınmayan baza inflyasiyası oktyabrda olan 5,7 faizlə müqayisədə azalaraq illik bazda 5,1 faiz təşkil edib.

Pul siyasəti qərarları baxımından İngiltərə Bankının (BoE) yaxından təqib etdiyi xidmətlər sektorunda inflyasiya illik bazda yüzdə 6,3 oldu. Oktyabrda xidmət sektorunda inflyasiya yüzdə 6,6 olaraq ölçülüb.

Keçən il pik həddə çatdı

Böyük Britaniyada inflyasiya 2022-ci ilin oktyabrında 11,1 faizlə pik həddinə çatıb. Azalmaya baxmayaraq, ölkədə inflyasiya Avropa İttifaqı (Aİ) və bəzi G7 ölkələrindəki səviyyədən yüksək olaraq qalır.