Aİ miqrasiya siyasətinin islahatı ilə bağlı razılığa gəlib

AP və Aİ üzvləri miqrasiya siyasətinin islahatı ilə bağlı razılığa gəliblər.

Avropa Parlamenti və Aİ-yə üzv ölkələr çərşənbə günü ümumi miqrasiya siyasətinin islahatına dair siyasi razılıq əldə ediblər, Avropa komissarı Ylva Yohansson bildirib.

Yohansson videomüraciətində deyib: “Biz xarici sərhədlərimizin daha yaxşı qorunması, daha çox həmrəylik, Avropa dəyərlərimiz əsasında sığınacaq axtaranların daha çox müdafiəsi üçün miqrasiya və sığınacaq siyasəti üzrə hərtərəfli paket haqqında razılığa gəldik”.

Miqrasiya və Sığınacaq Paktı adlanan islahatlar toplusu hələ də rəsmi təsdiq prosesindən keçməlidir. Bu, xarici sərhədlərdə nəzarəti gücləndirmək, sığınacaq müraciətlərinə baxılmasını sürətləndirmək və Aİ-də qalmaq hüququ olmayanları daha effektiv şəkildə kənarlaşdırmaq üçün bir sıra yeni qaydaları ehtiva edir. İslahat həmçinin miqrantların müxtəlif Aİ ölkələri arasında “ədalətli” bölgüsünü nəzərdə tutur ki, bu da qeyri-qanuni immiqrant axını ilə üzləşən “birinci sıra” dövlətlərin yükünü azaltmalıdır.