Azərbaycanla Türkiyə arasında əmtəə dövriyyəsi 30 faizdən çox - ARTIB
Kommersant.az xəbər verir ki, bunu iqtisadiyyat naziri Mikayıl Cabbarov Azərbaycan-Türkiyə İnvestisiya Forumunun açılış mərasimində deyib.
"Ötən ilin analoji dövrü ilə müqayisədə artım 33 faiz olub. Türkiyəyə ixrac 52 faizdən çox artaraq 5,1 milyard dollar olub", - o deyib.
Qeyd edək ki, bu gün Azərbaycan-Türkiyə İnvestisiya Forumu başlayıb.
Forum çərçivəsində Azərbaycan-Türkiyə əməkdaşlığının müxtəlif istiqamətlər üzrə genişləndirilməsi imkanları nəzərdən keçiriləcək, investisiya üzrə əməkdaşlıq sazişi və müqavilələri imzalanacaq.
Tədbirdə hər iki ölkədən dövlət qurumları və özəl sektoru təmsil edən 600-dən çox nümayəndə iştirak edir.
Forum çərçivəsində investisiya, ticarət, kənd təsərrüfatı, müdafiə sənayesi, "yaşıl" enerji, sağlamlıq turizmi sektorlarını əhatə edən panel sessiyalar keçiriləcək.
Digər xəbərlər
HSBC qlobal kommersiya və investisiya bankçılıq əməliyyatlarını birləşdirəcək
Avstriya Mərkəzi Bankının rəhbəri Holzmann: AMB inflyasiyaya nəzarət etmək yolundadır
