21.12.2023 İqtisadiyyat

0 0

Covid-19 epidemiyasından sonra yüksək dövlət borcunun olması, texnologiya və iqlim dəyişikliyi ilə mübarizə üçün böyük dövlət sərmayələrinə ehtiyac olduğunu nəzərə alaraq yenilənmiş fiskal qaydaları ehtiva edən AB Komissiyasının təklifini qəbul edən maliyyə nazirləri, həmçinin Aİ ölkələrinə dövlət borclarını azaltmaq üçün daha çox vaxt istəyir.

Yeni qaydalarda zəruri islahatlar və investisiyalar asanlaşdırılarkən, qaydalarda ölkələrin müxtəlif maliyyə vəziyyəti və çətinlikləri nəzərə alınıb.

Kovid-19 epidemiyasından sonra üzv ölkələrin dövlət borc səviyyələrinin rekord həddə çatması və AB-nin iqlimi, sənaye siyasətləri və təhlükəsizlik hədəfləri səbəbindən ölkələrin yeni xərclər etməli olması fiskal qaydalarda islahatları qaçılmaz edib.

Dövlət xərclərinə nəzarət yolu ilə borcun azaldılması üçün nəzərdə tutulan dördillik müddət hökumət tərəfindən müəyyən investisiyalar və islahatlar aparılarsa, yeddi ilə qədər uzadıla bilər.

Yeni fiskal qaydalar Aİ-nin ÜDM-ə nisbətdə 3 faizlik büdcə kəsirini və ÜDM-ə nisbətən 60 faiz dövlət borcunu aşan ölkələr üçün xərclərin daha mərhələli və spesifik azaldılmasını təklif etmək üçün nəzərdə tutulub.

Dövlət borcunun azaldılmasında əsas element milli ortamüddətli fiskal struktur planları olacaq. Üzv ölkələr ən azı 4 il müddətində fiskal hədəfləri, makroiqtisadi balanssızlıqları aradan qaldırmaq üçün tədbirləri, prioritet islahatları və investisiyaları müəyyən edən planlar hazırlayacaqlar. Komissiya tərəfindən qiymətləndiriləcək planlar Aİ Şurası tərəfindən təsdiqlənəcək.