İki ölkə arasında məhbus mübadiləsi: Bir iş adamı 10 məhbus müqabilində azadlığa buraxılıb

ABŞ və Venesuela arasında əsir mübadiləsində Venesuela prezidenti Nikolas Maduroya yaxınlığı ilə tanınan iş adamı Aleks Saab 10 Amerika vətəndaşı ilə dəyişdirilib.

Ağ Evdən verilən açıqlamaya görə, ABŞ və Maduro administrasiyası arasında əldə olunan razılaşmaya əsasən Venesuelada həbsdə olan 10 amerikalı azad edilib.

Ağ Ev, həmçinin ABŞ-da məhkəmə prosesinə məruz qalan Leonard Glenn Francis adlı malayziyalı iş adamının ABŞ-a ekstradisiya edildiyini açıqlayıb.

Dünən axşam saatlarında Texasdakı Birgə Baza San Antonio Hava Limanına gələn amerikalılar ölkələrinə qayıtmaqdan çox xoşbəxt olduqlarını dilə gətiriblər.

Digər tərəfdən, Vaşinqton administrasiyası Maduroya yaxınlığı ilə tanınan iş adamı Saab-ı mübadilə razılaşmasına uyğun olaraq azad edib. Bildirilib ki, Karakasda mərasimlə qarşılanan Saab ilə bağlı mətbuat konfransı keçirən Maduro, sözügedən razılaşmadan məmnun olduğunu bildirib.

ABŞ-da Alex Saab-a qarşı korrupsiya ittihamı ilə iddia açılıb və prokurorluq Saab-a qarşı müxtəlif cinayətlərə görə ittiham aktı hazırlayıb. Saab ona qarşı bütün ittihamları rədd edib.