Çin ABŞ-ın 5 şirkətinə sanksiya tətbiq edəcək
Çin hakimiyyəti Tayvana silah tədarükünə görə ABŞ-ın beş şirkətinə sanksiya tətbiq edəcək. TASS xəbər verir ki, bu barədə Çin Xarici İşlər Nazirliyi məlumat yayıb.
Onlar BAE Systems Land and Armament, Alliant Techsystems Operation, AeroVironment, ViaSat və Data Link Solutions şirkətlərinə qarşı sanksiyalar tətbiq etmək qərarına gəliblər.
Çin Xarici İşlər Nazirliyi aydınlaşdırıb ki, tətbiq edilən məhdudiyyətlər Çin ərazisində bu şirkətlərin aktivlərinin, o cümlədən daşınmaz əmlakının dondurulmasını nəzərdə tutur.
Avqustda Financial Times qəzeti mənbələrə istinadən yazıb ki, ABŞ prezidenti Co Bayden Çindən artan təhdidlər fonunda Konqresdən Ukrayna büdcəsindən Tayvana silah pulu ödəməsini istəmək istəyir.
Sentyabrda ABŞ-ın keçmiş vitse-prezidenti və 2024-cü ildə Respublikaçılar Partiyasından prezidentliyə namizəd Mayk Pens Çinin “şər imperiyası” olmaq yolunda olduğunu söylədi. Pens Tayvana silah tədarükünü artırmağı və ABŞ-ın Çinlə iqtisadi əlaqələrini azaltmağı müdafiə etdi.
Digər xəbərlər
Maliyyə nazirinin vəzifəsindən azad edildi: Azərbaycanda nələr dəyişəcək? - TƏHLİL
