Səudiyyə Ərəbistanı neftin qiymətini aşağı salır
Səudiyyə Ərəbistanının dövlət şirkəti Saudi Aramco fevral ayında bütün bölgələrdə əsas ərəb yüngül neftinin tədarükü qiymətlərini aşağı salacaq. Bloomberg xəbər verir ki, bu qərar bu yanacağa tələbatın azalması ilə əlaqədar qəbul edilib.
Beləliklə, Asiyaya tədarükün qiymətləri bir barel üçün 1,5-2 dollar azalıb. Şimal-qərbi Avropa, Aralıq dənizi və Şimali Amerika üçün də qiymətlər endirilib.
Nəşr vurğulayır ki, fevral və mart aylarında neftə tələbatın azalması hər il neft emalı zavodlarının texniki işlər məqsədi ilə müvəqqəti bağlanması, eləcə də ABŞ-dan yanacaq tədarükünün artması ilə bağlı təklif profisiti fonunda baş verir.
Bundan əvvəl İranın Çindən olan alıcılar üçün yüksək neft qiymətləri təyin etdiyi və bunun iki ölkə arasında ticarətə əngəl törətdiyi bildirilirdi. Çinin Şandun əyalətindən olan neft alıcısının sözlərinə görə, məhdud seçim və İranın sərtliyi qiymət danışıqlarını çətinləşdirib və çinli alıcıların xeyrinə deyil.
Digər xəbərlər
Azərbaycan Milli Depozit Mərkəzində saxlanılan aktivlərin məbləği açıqlanıb
Gələn il real iqtisadi artım tempinin 3,3% olacağı gözlənilir - Mərkəzi Bank
