.jpg)
.jpg)
Aİ Ukraynaya yardımla bağlı kompromis sazişi hazırlayıb
Avropa İttifaqı (Aİ) Ukraynaya yardımla bağlı kompromis sazişi hazırlayıb və bu, Macarıstana vetosunu aradan qaldırmağa imkan verəcək. Bu barədə Euractiv portalı bir sıra Avropa rəsmilərinə istinadən məlumat yayıb.
“Biz [Macarıstanla] dialoqu davam etdiririk və bu, müsbət cəhətdir”, – deyə mənbə Avropa rəsmilərindən birinin sözlərini sitat gətirir.
Xüsusilə, Brüsselin ayrılan vəsaitin necə həyata keçirildiyini nəzərə alaraq 2025-ci ildə Ukraynaya 2024-2027-ci illər üçün yardım proqramına yenidən baxmağa razı olduğu bildirilir. Bununla belə, nəşr qeyd edir ki, Macarıstan yardımı daha da əngəlləmək imkanını özündə saxlayır.
Bundan əvvəl “Financial Times” yazıb ki, Avropa Komissiyası Kiyevə 50 milyard avro məbləğində maliyyə yardımı ilə bağlı kompromis əldə etmək üçün Macarıstana güzəştə getməyə hazırdır.
Digər xəbərlər
