Avropa Ukraynadan gələn məhsullara rüsumları qaytarmağı düşünür

Makron: AB ədalətsiz rəqabət olarsa, Ukraynanın idxalına olan rüsumları qaytaracaq.

Avropada Ukraynadan gələn məhsullara rüsumları qaytarmaq barədə düşünürlər. Fransa prezidenti Emmanuel Makron bildirib ki, Ukrayna mallarının idxalı yerli istehsalçılar üçün haqsız rəqabət yaradarsa, belə tədbirlər görüləcək.

Bunu dövlət başçısı Aİ-nin Brüsseldə keçirilən sammitinin yekunlarına dair mətbuat konfransında deyib.

O bildirib ki, etiraz edən fransalı fermerlər hamı üçün vahid qaydalar tələb edirlər, ona görə də Ukraynadan ərzaq idxalını diqqətlə öyrənmək lazımdır.

“Biz razılaşdıq ki, dənli bitkilər üçün gücləndirilmiş qorunma mexanizmi olacaq ki, bu da Ukrayna taxılı Avropa bazarında qiymətləri ciddi şəkildə pozarsa, müdaxiləyə imkan verəcək”, - deyə Makron bildirib. Prezident əlavə edib ki, şəkər və toyuq tədarükü üçün təhlükəsizlik mexanizmləri 2022 və 2023-cü illərdə idxal həcminin tarixinə əsaslanacaq.

“Bəli – müharibə şəraitində Ukraynaya yardım, yox – bizim standartlara uyğun gəlməyən bir neçə milyarder və iri istehsalçıya mənfəət gətirən ədalətsiz rəqabətin yaradılması halında”, - deyə dövlət başçısı vurğulayıb.