ABŞ və Çin neft qiymətlərinə təsir edir
Neft qiymətləri dünyanın ən çox neft istehlak edən ölkələri olan ABŞ və Çində tələbin yavaşladığını göstərən məlumatlar səbəbindən ucuzlaşıb. Brent markalı neftin bir barelinin qiyməti bu gün 10,53-ə bağlanış vaxtı ilə müqayisədə 0,12 faiz azalaraq 81,53 dollar olub. Eyni zamanda, West Texas Intermediate (WTI) markalı xam neftin bir barreli 76,21 dollara satılıb.
Bildirilir ki, Brent neftində texniki olaraq 82,67-85,54 dollar aralığında gün ərzində müqavimət, 79,80-76,93 dollar arası isə dəstək zonası kimi izlənilə bilər.
Dünən 81,90 dollara kimi bahalaşan Brent markalı neftin barel qiyməti günü 81,63 dollarla başa vurub.
ABŞ və Çin qiymətlərə təsir göstərir
Dünyanın ən böyük neft istehlakçı ölkəsi olan ABŞ-da neft ehtiyatlarının gözləntilərin üzərində artdığını göstərən məlumatlar, ölkədə tələbin azaldığına və qiymətlər üzərində aşağı istiqamətli təzyiqlərə işarə etdi. ABŞ Enerji İnformasiya İdarəsi (EIA) ölkədəki kommersiya xam neft ehtiyatlarının keçən həftə təxminən 5 milyon 500 min barrel artdığını bildirdi. Bazar gözləntisi ehtiyatların 674 min barel artacağı idi.
Bu il ABŞ Federal Ehtiyat Sisteminin (FED) pul siyasəti qərarları ilə bağlı qeyri-müəyyənliklər də qiymətlərə təsir edir. Richmond Fed sədri Thomas Barkin dünən verdiyi açıqlamada FED-in faiz dərəcələrini azaltma qərarının bir qədər vaxt ala biləcəyini və gələcək inflyasiya məlumatlarının müsbət olacağı ehtimalını ifadə edib.
Dünyanın ikinci ən böyük iqtisadiyyatı olan Çində iqtisadi artımın gözləniləndən aşağı olması da qiymətlərin enməsinə dəstək verir.
Digər xəbərlər
Mərkəzi Bank 2024-cü ildə ən çox şikayət olunan sığorta şirkətlərini açıqladı
