Aİ-dən Qərbi Balkanlara 6 milyard avroluq dəstək

Avropa İttifaqı (Aİ) qurumları 2024-2027-ci illər arasında Qərbi Balkan ölkələri ilə iqtisadi əlaqələri gücləndirmək üçün tərəfdaşlarına 2 milyard avro qrant və 4 milyard avro kredit olmaqla cəmi 6 milyard avro dəstək verəcək.

Avropa İttifaqı (Aİ) Şurası üzv dövlətlərlə Avropa Parlamenti (AP) arasında müzakirə edilən və Qərbi Balkanların İnkişaf Planının əsas elementi olan İslahat və İnkişaf Fondunun yaradılması ilə bağlı razılığın əldə edildiyini açıqlayıb.

Açıqlamada qeyd olunub ki, fondla 2024-2027-ci illər arasında Aİ-nin Qərbi Balkanlardakı tərəfdaşlarına 2 milyard avro qrant və 4 milyard avro kredit veriləcək.

Bəyanatda bildirilib ki, sözügedən fond mövcud Qoşulmadan Qabaqcıl Yardım Alətini (IPA III) tamamlayacaq və beləliklə, regiondakı tərəfdaşlara göstərilən maliyyə yardımı əhəmiyyətli dərəcədə artacaq.

Bəyanatda bildirilib ki, fond Qərbi Balkan ölkələrində Aİ ilə bağlı islahatları dəstəkləyəcək və Aİ ilə regionun iqtisadi yaxınlaşmasını təşviq edəcək.