Aİ ilə ABŞ çiplər və süni intellekt sahəsində əməkdaşlığı artırmaq istəyir

ABŞ və Avropa İttifaqı (Aİ) çiplər və süni intellekt kimi sahələrdə əməkdaşlığı artırmaq üçün yüksək səviyyəli görüşlər keçirib.

Belçikanın Leuven şəhərində Aİ-ABŞ Ticarət və Texnologiya Şurasının 6-cı iclası keçirilib.

Proqramdan sonra təşkil edilən mətbuat konfransında danışan AB Komissiyasının vitse-prezidenti Margrethe Vestager, "Çiplər üzərində ixrac nəzarəti mövzusunu da müzakirə etdik. Köhnə texnologiyalı yarımkeçiricilərlə bağlı nələr edilə biləcəyini danışdıq" dedi.

Köhnə nəsil çiplər üzərində araşdırmaları paylaşdıqlarını ifadə edən Vestager, çiplərdə tədarük zəncirlərinin davamlılığını artırmaq üçün gələcəyə hesablanmış tədbirlər görəcəklərini ifadə etdi.

ABŞ dövlət katibi Antoni Blinken də ABŞ və Aİ-nin dünya ÜDM-nin yarısını təşkil etdiyini xatırladaraq, çağırışlara qarşı ortaq məqsədlər üçün birgə hərəkət etdikdə təsirli və böyük güc olduqlarını vurğuladı.

ABŞ-ın ticarət naziri Gina Raimondo, "Yarımkeçiricilər bütün iqtisadiyyatımızın əsasını təşkil edir və biz süni intellekt dövrünə qədəm qoyduqca bu, getdikcə daha da artacaq. Çünki süni intellekt yarımkeçiricilər və qabaqcıl çiplərin təməli üzərində qurulub" açıqlamasını verib.