02.05.2024 İqtisadiyyat

0 0

Dünyanın ən böyük azot gübrəsi istehsalçılarından biri olan “Yara” şirkətinin baş direktoru Svein Tore Holsether qlobal iqtisadiyyat qəzeti “Financial Times”a açıqlamasında Rusiya qazından asılılığın müzakirə olunduğu bir vaxtda maraqlı məqama toxunub. Holsether, Avropanın əvvəllər təbii qazda olduğu kimi, indi də gübrə baxımından Rusiyadan asılı vəziyyətə düşdüyünə diqqət çəkib.

Financial Times-ın məlumatına görə, kənd təsərrüfatı məhsulları üçün lazım olan azotlu gübrənin təbii qazdan istehsal olunduğuna diqqət çəkən Holsether, gübrəni "yeni qaz" olaraq xarakterizə edib. Yara CEO, Avropanın təbii qazda Rusiyadan asılılığını azaltmağı hədəflədiyi halda, bilmədən Rusiyaya qida məhsulları və gübrələrə təzyiq etmək imkanı verməsinin "paradoks" olduğunu bildirib. Eurostat məlumatlarına görə, Avropa Birliyinin azot gübrəsi idxalı 2022-2023-cü illərdə 34 faiz artıb. Rusiya bu məhsulun Aİ-yə ixracında təxminən üçdə bir paya malikdir.

Azot sel suvarma, yağış və ya gübrə torpaq səthində qalan halda ən asanlıqla itirilən bitki qidasıdır. Torpağa qatıldıqdan sonra istiliklə tez buxarlana bilər və ya su ilə yuyularaq asanlıqla torpağın alt qatlarına daşına bilir. Bitkilərin inkişafı üçün həyati vacib maddələrdən biri olan azot, torpaqda azotun miqdarı kifayət etmədikdə, gübrə növləri ilə əlavə edilir.