Dünya Bankı qlobal karbon vəziyyətini paylaşıb
Bank “Karbon qiymətlərinin 2024-cü il üçün vəziyyəti və tendensiyaları” hesabatını dərc edib.
Dünyada karbon qiymətləri ilə bağlı inkişafların müzakirə edildiyi hesabatda karbon qiymətindən əldə edilən gəlirlərin keçən il artmağa davam etdiyi və ilk dəfə olaraq 100 milyard dollarlıq həddini keçdiyi bildirilir.
Hesabatda qlobal karbon qiymətlərinin müəyyən edilməsi nəticəsində əldə edilən gəlirin 2023-cü ildə rekord həddə - 104 milyard dollara çatdığı bildirilib.
Hesabatda dünyada 75 karbon qiymətqoyma alətinin fəaliyyət göstərdiyi vurğulanıb və toplanan gəlirin yarıdan çoxunun iqlim və təbiətlə bağlı proqramların maliyyələşdirilməsinə sərf edildiyi bildirilib.
Hesabatda Braziliya, Hindistan, Çili, Kolumbiya və Türkiyə də daxil olmaqla böyük orta gəlirli ölkələrin karbon qiymətlərinin tətbiqində irəliləyiş əldə edildiyi bildirilir.
Hesabatda vurğulanıb ki, karbon qiymətlərinin tətbiqi boşluğu aradan qaldırmağa kömək etmək üçün yer qazanmağa davam edir, lakin keçən il əldə edilən irəliləyiş yavaş olub və tətbiq olunan karbon vergiləri və emissiya ticarəti sistemləri qlobal emissiyaların təxminən 24 faizini əhatə edir.
Hesabatda qeyd edilib ki, enerji və sənaye kimi ənənəvi sektorlar üstünlük təşkil etməkdə davam edərkən, aviasiya, dənizçilik və tullantı kimi sektorlarda karbon qiymətləri getdikcə daha çox nəzərə alınır.
Bankın hesabatında qeyd olunub ki, rekord gəlirlərə və artıma baxmayaraq, qlobal karbon qiymətlərinin əhatə dairəsi və səviyyələri Paris Sazişinin hədəflərinə çatmaq üçün çox aşağıdır.
Digər xəbərlər
Tramp effekti: Tesla-nın bazar dəyəri bütün avtomobil şirkətlərini “üstələyir”
