27.06.2024 İqtisadiyyat

0 0

İran gündəlik neft hasilatını artırıb. İran dövlət televiziyasının məlumatına görə, neft naziri Cavad Ovci Nazirlər Kabinetinin iclasından sonra açıqlama verib.

Ovci ötən il ölkəsinin gündəlik neft hasilatının 3 milyon 300 min barel olduğunu, bu il isə bu rəqəmin 3 milyon 570 minə yüksəldiyini bildirib.

Vertolyot qəzasında həyatını itirən prezident İbrahim Rəisi hökuməti dövründə neft hasilatının yüzdə 60 artdığını bildirən Ovci, ölkəsinin neft hasilatının 2019-cu ildə gündəlik 2 milyon 290 min barrel, 2020-ci ildə isə 2 milyon 106 min barrel olduğunu bildirib. Reisi 2021-ci ildə vəzifəsinin icrasına başlayıb.

Prezident Donald Tramp 2018-ci ildə nüvə sazişindən çıxdıqdan sonra ABŞ İrana qarşı iqtisadi sanksiyaları artırıb və neft satışlarını məhdudlaşdırıb.

İran Neft Nazirliyinin statistikasına görə, 2018-ci ilin aprel ayında ABŞ nüvə sazişindən çıxmazdan əvvəl gündəlik 3,8 milyon barel xam neft və kondensat hasil edən Tehran bu məbləğin 2,8 milyon barrelini ixrac edirdi.

Neft naziri Ovci 23 avqust 2023-cü il tarixli açıqlamasında ölkəsinin neft hasilat gücünün 3 milyon 800 min barrel olduğunu açıqlayıb.

Büdcə və Planlaşdırma Qurumunun prezidenti Davud Menzur 13 avqust 2023-cü il tarixli açıqlamasında ölkəsinin gündəlik neft ixracatının 1 milyon 400 min bareli keçdiyini qeyd edib.