Rusiyadan valyuta qərarı: Şirkətlərin gəlirlərini satmaq öhdəliyi yüngülləşdirilib

Rusiya ixracatçı şirkətlərinin valyuta gəlirlərini satmaq öhdəliyi 40 faizə endirilib. Mövzu ilə bağlı edilən açıqlamada “Qərar milli məzənnənin sabitləşməsi və kifayət qədər valyuta likvidliyinin təmin edilməsi nəzərə alınaraq qəbul edilib” ifadəsi işlədilib.

Rusiya hökuməti ölkədəki ixracatçı şirkətlərin valyuta gəlirlərinin 60 faizini satmaq öhdəliyini yüngülləşdirib.

Rusiya hökumətinin verdiyi yazılı açıqlamada bəzi ixracatçı şirkətlərin valyuta gəlirlərinin 60 faizini satmaq məcburiyyətində olduqları xatırladılıb.

Açıqlamada bu faizin 40 faizə endirilməsinə qərar verildiyi bildirilib və “Qərar milli məzənnənin sabitləşməsi və kifayət qədər valyuta likvidliyinin təmin edilməsi nəzərə alınaraq qəbul edilib” deyilir.

Rusiyada rublun məzənnəsini sabitləşdirmək üçün enerji, metallurgiya, kimya və kənd təsərrüfatı sektorlarından bəzi ixracatçı şirkətlər 2023-cü ildə valyuta satmağa məcbur olublar.

Rusiya hökuməti iyunun 21-də ölkədə ixrac edən şirkətlərin valyuta gəlirlərinin 80 faizini satmaq öhdəliyini 60 faizə endirib.