22.07.2024 İqtisadiyyat

0 0

Səhv təhlükəsizlik yeniləməsi Microsoft Windows əməliyyat sistemindən istifadə edən kompüterlərin sıradan çıxmasına səbəb olan şirkət, sosial şəbəkədəki paylaşımında "bütün sistemləri yenidən işlək hala gətirməyə diqqəti davam etdirdiklərini" bildirib.

“Microsoft”un hesablamalarına görə, dünyada 8,5 milyon kompüter zədələnib.

Müəssisələr, banklar, xəstəxanalar və hava yolları kəsilmə səbəbindən ən çox zərər çəksələr də, kompüter sistemlərini tam işlək hala gətirməkdə çətinlik çəkirlər.

BBC Türkcənin sitat gətirdiyi CrowdStrike-in bəyanatında deyilir: "Bunun hamıya böyük təsir göstərdiyinin fərqindəyik. Müştərilərimiz, tərəfdaşlarımız və İT komandalarımız yorulmadan çalışırlar. Hər kəsə çox minnətdarıq. Yaranmış narahatlığa görə üzr istəyirik".

Bununla belə, şirkət hələ də kəsilmənin neçə cihazın təsirləndiyini açıqlamayıb.

Aviasiya izləmə platforması FlightAware-ə görə, bazar günü ABŞ-da 1400-dən çox uçuş dayandırılıb.

Delta və United Airlines ABŞ-da qəzadan ən çox təsirlənən aviasiya şirkətləridir.

Türk Hava Yolları da eyni şəkildə reyslərin ləğv edildiyini açıqlayıb. Böyük Britaniyada Sky News kanalı bir saatdan çox yayımlaya bilmədi.