Cənubi Koreya və ABŞ-dan 11 günlük Ulchi Freedom Shield təlimi

Cənubi Koreya və ABŞ "hərtərəfli müharibə ssenarisi" çərçivəsində həyata keçirilən 11 günlük Ulchi Freedom Shield (UFS) birgə təliminə başlayıb.

Şimali Koreyanın ballistik raket sınaqları və sərhəd boyunca artan hərbi fəaliyyətləri Koreya yarımadası və ətraflarında təhlükəsizlik narahatlığına səbəb olarkən, Cənubi Koreya və ABŞ-dan birgə müdafiə hərəkəti gəldi.

İki ölkə hərtərəfli müharibə ssenarisi çərçivəsində həyata keçirilən 11 günlük Ulchi Freedom Shield (UFS) təliminə bu gün başlayıb. Cənubi Koreya Baş Qərargahı (JCS) tərəfindən edilən açıqlamada, kompüter simulyasiyaları və mülki müdafiə təhsilinin yer aldığı təlimə 19 min Cənubi Koreya əsgərinin qatıldığı bildirilib.

Açıqlamada amfibiya enişi və canlı atəş təlimləri kimi 48 səhra təliminin keçiriləcəyi qeyd edilib. Quru, dəniz və hava elementləri ilə yanaşı, kibertəhlükəsizlik və kosmos bölmələrinin də iştirak etdiyi təlimin Şimali Koreyanın kütləvi qırğın silahlarına qarşı müttəfiqlərin istənilən təxribata cavab vermək qabiliyyətini və müdafiə imkanlarını gücləndirmək məqsədi daşıdığı bildirilib.

“Təxribatlara qarşı hazır olmalıyıq”

Cənubi Koreya prezidenti Yoon Suk Yeol Nazirlər Kabinetinin iclasındakı açıqlamasında Şimali Koreyanın artan hərbi təhdidləri, psixoloji müharibə taktikası və kiber hücumların qarşısını almaq üçün builki Ulchi Azadlıq Qalxanı təliminin müxtəlif böhran ssenariləri çərçivəsində keçiriləcəyini bildirib.

Yoon mümkün münaqişə barədə xəbərdarlıq edir

Pxenyanın mümkün qarşıdurmanın ilkin mərhələlərində zorakılıq, təbliğat və təşviqat yolu ilə sosial qeyri-sabitliyə səbəb olmağa çalışa biləcəyi barədə xəbərdarlıq edən Yoon, "Biz bölünmənin qarşısını almaq və insanların müqavimət əzmini artırmaq üçün daim üsullar axtarmalıyıq" dedi. Yoon əlavə edib ki, milli təhlükəsizliyi qorumaq və döyüş hazırlığını artırmaq üçün mühüm infrastruktur və obyektlər ciddi şəkildə qorunmalıdır.