Atəşkəs xəbərləri Brent neftinə müsbət təsir edib

Yaxın Şərqdəki münaqişələrin atəşkəslə bitə biləcəyi xəbərindən sonra neft qiymətlərində qismən geriləmə müşahidə olunub. Beynəlxalq bazarlarda Brent markalı neftin bir barreli 77,10 dollara satılır.

Brent markalı neftin bir barelinin qiyməti dünən 79,81 dollara qalxaraq günü 77,66 dollarla başa vurub. “Brent” markalı neftin bir barelinin qiyməti bu gün səhər bağlanışı ilə müqayisədə 0,72 faiz azalaraq 77,10 dollara çatıb. Eyni zamanda, West Texas Intermediate (WTI) markalı xam neftin bir barreli 73,06 dollara satılıb.

Atəşkəs xəbəri müsbət təsir etdi

Neftin ucuzlaşmasına qlobal neft ehtiyatlarının əksəriyyətinin yerləşdiyi Yaxın Şərqdə davam edən münaqişələrin atəşkəslə sona bir addım yaxınlaşması xəbəri təsir edir. Yaxın Şərqdə atəşkəsin mümkünlüyü bazarlarda tədarüklə bağlı narahatlıqları azaltmaqla qiymətlərin aşağıya doğru hərəkətini dəstəkləyir.

Çin qiymət sabitliyini qoruyur

Dünyanın ən böyük neft idxalçısı olan Çin iqtisadiyyatının yavaşladığını göstərən məlumatlar, ölkədə tələbin də yavaşlayacağına dair narahatlıqları artıraraq qiymətlərə təsir etməyə davam edir.