Çin Rusiyadan maye qaz alışını azaldıb

Yanvar-iyul aylarında Rusiyadan Çinə maye qaz ixracı 6% azalıb.

2024-cü ilin ilk yeddi ayının nəticələrinə əsasən, Rusiyadan Çinə mayeləşdirilmiş təbii qazın (LNG) ümumi ixrac həcmi 2023-cü ilin eyni dövrü ilə müqayisədə 6 faiz azalaraq 4,19 milyon tona düşüb. Bu barədə TASS Çin Xalq Respublikasının Baş Gömrük İdarəsinin məlumatlarına istinadən məlumat yayıb.

Pul ifadəsində isə bu rəqəm 18 faiz azalaraq 2,44 milyard dollar səviyyəsinə düşüb. Bunun fonunda Rusiya Çinə bu yanacaq növünün əsas ixracatçıları siyahısında dördüncü yeri tutub. Avstraliya ənənəvi olaraq Asiya ölkəsinə ümumilikdə 15,23 milyon ton (üstəgəl 12,8 faiz) ixrac edərək Çinə LNG-nin əsas tədarükçüsü olub. İkinci yerdə Qətər (təxminən 10 milyon ton, üstəgəl 5 faiz) qərarlaşıb və ilk üçlüyü Malayziya (demək olar ki, 4,9 milyon, üstəgəl 18 faiz) qapayıb.

Çinə tədarükün artımında lider ABŞ olub. Bu ölkədən tədarükçülər yanvar-iyul aylarında Çinə ümumilikdə 2,16 milyon ton LNG göndərərək ixracı illik müqayisədə təxminən 70 faiz artırıblar. Amerika ixracatının dəyəri həmin dövr ərzində 36 faiz artaraq 1,18 milyard dollara çatıb. Təchizatların artması ABŞ-a Çinə ən böyük LNG ixracatçıları siyahısında yeddinci yerdən beşinci yerə yüksəlməyə imkan verdi.