16.09.2024 İqtisadiyyat

0 0

Çin iqtisadiyyatındakı yavaşlama qlobal maliyyə nəhəngləri Goldman Sachs və Citigroup-un 2024-cü il üçün artım proqnozlarını yenidən nəzərdən keçirməsinə səbəb oldu. Çinin sənaye istehsalı avqust ayında son beş ayda ən aşağı səviyyəyə düşüb və bu, hər iki şirkətin 2024-cü il üçün artım gözləntilərini 4,7 faizə endirməsinə səbəb olub.

Çində müşahidə olunan iqtisadi durğunluq aşağı tələb və qeyri-kafi təşviq tədbirləri kimi problemləri ortaya qoyur. Bu inkişaflar o deməkdir ki, hökumətin hədəflədiyi 5 faizlik artım tempinə çatmaq çətinləşə bilər. Avqustda zəif iqtisadi aktivlik diqqəti daha çox stimullaşdırma ehtiyacına yönəltdi.

Goldman Sachs 2024-cü il üçün daha əvvəl 4,9 faiz olaraq təyin olunan artım proqnozunu 4,7 faizə endirib.

Citigroup da 2024-cü il üçün artım proqnozunu 4,8 faizdən 4,7 faizə endirib. O, həmçinin Çinin 2025-ci ilin sonunda ÜDM artımı proqnozunu 4,5 faizdən 4,2 faizə endirdi. Citigroup iqtisadçıları, "İnanırıq ki, qənaət tələsini qırmaq və böyüməyə vaxtında dəstək vermək üçün maliyyə siyasəti aktivləşdirilməlidir".

Çinin iqtisadi artımının yavaşlaması öz təsirlərini təkcə Asiyada deyil, həm də qlobal miqyasda hiss etdirir. Tələbi canlandırmaq və iqtisadi artımı sürətləndirmək üçün stimullaşdırıcı tədbirlər Çin iqtisadiyyatının 2024-cü il hədəflərinə çatması üçün çox vacibdir.