Gümüş 12 illik maksimum yeniləyib

ABŞ Federal Ehtiyat Sistemi tərəfindən faiz dərəcələrinin əlavə enməsi gözləntiləri qiymətli metalların qiymətlərinin artmasına kömək edir.

Kommersant.az xəbər verir ki, gümüş 2012-ci ildən bəri ən yüksək səviyyəyə çatıb.

Ağ metal cümə axşamı 2.5% bahalaşaraq unsiya* üçün 32.614 dollar olub və bu ilki artımını 37%-ə çatdırıb. Onun artımı qızılın yeni rekord vurduğu dövrdə geniş miqyaslı qiymətli metal rallisi zamanı baş verib.

Gümüş bu il ən uğurlu əmtəələrdən biri olub, çünki keçən həftə FED-in yumşaq siyasətə keçidi və əlavə faiz dərəcələrinin endirilməsi perspektivi faiz gəliri gətirməyən metalların qiymətlərinin artmasına şərait yaradır.

Qiymət artımını Çinin iqtisadiyyatını stimullaşdıracağı gözləntisi ilə sənaye istifadəsinin artması ehtimalı və gümüşlə dəstəklənən fondlara vəsait axınının canlanma əlamətləri dəstəkləyib.

“Hazırda gümüş artıq $32.40 səviyyəsindən yuxarı ticarət edildi, bu, son 4 ildən çox müddətdə ən yüksək qiymətdir. Bu artım hələ yeni başlayır. Mən ilin sonuna qədər gümüşün $40-a çatacağını gözləyirəm və gümüşün nəhayət $50 səviyyəsini keçərək ilin sonuna qədər yeni tarixi rekord müəyyənləşdirmək şansının yüksək olduğunu düşünürəm”- deyə, Euro Pacific Asset Managemen-in baş iqtisadçısı və qlobal strateqi Peter Schiff X.com-da yazır.