X platforması Braziliyada yenidən açılır
Məhkəmənin internet saytında dərc edilən açıqlamada ABŞ-lı milyarder İlon Maska məxsus X platformasının məhkəmənin bəzi hesabların bağlanması, cərimənin ödənilməsi və ölkəyə qanuni nümayəndə təyin edilməsi kimi tələblərini yerinə yetirdiyi bildirilib.
Buna uyğun olaraq braziliyalı istifadəçilər avqustun 31-də ölkədə bloklanan X platformasından yenidən istifadə edə biləcəklər.
24 saat vaxt verildi
Braziliyada Ali Məhkəmə keçmiş prezident Jair Bolsonaroya qarşı "çevriliş cəhdi" istintaqı çərçivəsində X-dən bəzi insanlar haqqında məlumat verməsini və bəzi hesabları bloklamasını tələb etdi. Müraciət rədd edildikdən sonra Məhkəmə X-ə ölkədə qanuni nümayəndə təyin etmək üçün 24 saat vaxt verib.
Şirkət Braziliyaya ayrılmış vaxt ərzində qanuni nümayəndə təyin edə bilmədikdən sonra, Braziliya Ali Məhkəməsi avqustun 31-də elan etdi ki, “nümayəndə təyin olunana və cərimələr ödənilənə qədər” X-ə giriş bloklanıb.
Digər xəbərlər
AMB hüquqi şəxslərin depozitlərinin 1 ayda 1.8 mlrd. manatdan çox azalmasının səbəbini açıqlayıb
