Almaniyanın ixracı artdı, idxalı azaldı

Avqust ayında azalma gözləntilərinə baxmayaraq, Almaniyanın ixracı əvvəlki ayla müqayisədə 1,3 faiz artarkən, idxalı isə 3,4 faiz azalıb.

Almaniya Federal Statistika İdarəsi (Destatis) avqust ayı üzrə ölkənin xarici ticarət rəqəmlərini açıqlayıb. Buna görə Almaniyada mövsüm və təqvim təsirlərindən təmizlənmiş ixracat avqust ayında bir əvvəlki aya görə yüzdə 1,3 artaraq 131,9 milyard Avroya çatdı.

Avqust ayı ixrac məlumatları gözləntiləri yüzdə 1 azalma olacağı idi.

Maraqlıdır ki, ixracın artması ABŞ, Çin və İngiltərə ilə ticarətin yaxşı inkişafı ilə bağlıdır. Ölkənin ən əhəmiyyətli ticarət tərəfdaşı olan Çinə ixracatı 1,9 faiz artaraq 7,4 milyard avroya çatıb. Çindən idxal isə 1,4 faiz azalaraq 13,2 milyard avroya düşüb.

Sözügedən dövrdə ABŞ-a ixrac 5,5 faiz artaraq 13,5 milyard avroya, ABŞ-dan idxal isə 0,7 faiz artaraq 7,8 milyard avroya çatıb.

Almaniyanın Avropa İttifaqına üzv ölkələrə ixracı avqust ayında yüzdə 0,8 artaraq 72,7 milyard avroya çatıb.