18.10.2024 İqtisadiyyat

0 0

Kommersant.az xəbər verir ki, bu barədə Azərbaycan Respublikası Mərkəzi Bankının sədri Taleh Kazımov Bakıda "Yaşıl maliyyə və dayanıqlı inkişaf" mövzusunda keçirilən forumda bildirib.

"Qlobal iqlim dəyişiklikləri Azərbaycanın iqtisadiyyatına təsir edir. Buna görə də "yaşıl" maliyyəyə yatırımlar təkcə ekoloji faydalar təmin etmək baxımından deyil, həm də davamlı iqtisadiyyat yaratmaq üçün vacibdir. Biz cəmiyyətin "yaşıl" maliyyənin əhəmiyyəti haqqında məlumatlılığının artırılması, maraqlı tərəflər arasında dialoqun qurulması və innovativ həllərin tapılması kimi prioritetlərə daim diqqət yetirməliyik.

Mərkəzi Bank olaraq bu vacib çağırış qarşısında qarşımızda duran prioritetləri dərk edirik və ortamüddətli dövr üçün strateji gündəliyimiz var. Bu gündəliyə normativ-hüquqi bazanın təkmilləşdirilməsi və "yaşıl" investisiyaların stimullaşdırılması kimi vacib vəzifələr daxildir.

Əsas məqsədimiz maliyyə institutlarının portfellərini davamlılıq məqsədlərinə uyğunlaşdırmalarını təmin etmək və onların bu sahədə fəaliyyət göstərməsi üçün lazımi alətlər və rəhbərliklərlə təmin olunmasıdır", - o bildirib.

Xəbər yenilənəcək