McDonald's məhsullarında bakteriyalardan təsirlənən xəstələrin sayı 104-ə çatıb

ABŞ Xəstəliklərə Nəzarət və Qarşısının Alınması Mərkəzinin rəsmiləri ölkənin 14 ştatında McDonald's 'Quarter Pounder' hamburgerində koli bakteriyalarının olması ilə bağlı açıqlama verib. Açıqlamada sözügedən bakteriyalara görə xəstələnənlərin sayının 104-ə yüksəldiyi, 34 nəfərin isə xəstəxanaya yerləşdirildiyi bildirilib.

ABŞ-ın 14 ştatında McDonald's restoranlarında istehsal olunan hamburgerlərdə aşkar edilən E.Coli bakteriyasına görə xəstələnənlərin sayının 104-ə yüksəldiyi bildirilib. ABŞ Xəstəliklərə Nəzarət və Qarşısının Alınması Mərkəzinin rəsmiləri oktyabrın 23-də bu bakteriya səbəbindən xəstələnən 49 nəfərdən birinin öldüyünü açıqlayıb.

Açıqlamada hamburgerlərdə istifadə edilən mal ətindən hazırlanan küftə və soğanın tərkibində E.coli bakteriyası ola biləcəyi, lakin bunun dəqiq olmadığı, McDonald'sın bəzi ştatlarda bu hamburgerlərin satışını və şübhəli maddələrin istifadəsini dayandırdığı bildirilib.

Bundan əlavə, CDC-nin məlumatına görə, E. coli bakteriyası ABŞ-da ildə təxminən 70 min infeksiyaya səbəb olur və bu səbəbdən hər il 2 mindən çox insan müalicə olunur.