Çində gənclər arasında işsizlik səviyyəsi yüksək olaraq qalır

Çində gənclər arasında işsizlik səviyyəsi oktyabrda ümumi işsizliklə müqayisədə yüksək olaraq qaldı.

Çin Milli Statistika Bürosu (UIB) 2024-cü ilin oktyabr ayı üçün yaş qrupları üzrə işsizlik nisbətlərini açıqlayıb. Buna görə, 16-24 yaş qrupunda işsizlik nisbəti sentyabr ayında yüzdə 17,6 ikən, oktyabr ayında yüzdə 17,1-ə gerilədi. Sentyabrda yüzdə 6,7 olan 25-29 yaş qrupunda işsizlik nisbəti oktyabrda yüzdə 6,8 olaraq hesablanıb.

Ölkə şəhərlərində ümumi işsizlik nisbəti yüzdə 5 civarında olduğu halda, gənclər arasında işsizlik son 4 ayda 17 faizdən yuxarıdır.

2023-cü ilin iyul ayında 16-24 yaşlı əhali arasında işsizlik 21,3 faizlə rekord səviyyəyə çatdıqdan sonra UİB yaş qrupları üzrə işsizlik məlumatlarını açıqlamağı dayandırıb.

2023-cü ilin dekabrında təhsilini davam etdirən orta məktəb və universitet tələbələri istisna olmaqla, yeni hesablama metodu tətbiq edilib.

Gənclər arasında işsizlik səviyyəsi avqustda 18,8-ə yüksələrək yeni hesablama metodunun tətbiq olunduğu dövrdə ən yüksək səviyyəyə çatıb.