Asiya fond bazarları qarışıqdır
ABŞ-ın yeni prezidenti Donald Trampın həyata keçirəcəyini söylədiyi ticarət tariflərinin iqtisadiyyata potensial təsiri ilə bağlı suallar risk qavrayışını artırdığından qlobal bazarlarda qarışıq tendensiya müşahidə olunur.
Kanada və Meksikaya 25 faiz əlavə gömrük rüsumu tətbiq etməyi düşündüyünü açıqlayan Tramp, Çinə 10 faizlik gömrük rüsumunun tətbiq ediləcəyi tarix olaraq fevralın 1-nə işarə edib.
Dünən kommersiya tarifləri müzakirələri ilə bağlı açıqlamalar verən Çin Baş nazirinin müavini Ding Xuexiang, proteksionizmin sizi heç bir yerə aparmayacağını ifadə edərək, "Ticarət müharibəsində qalib yoxdur" deyib.
Ölkənin ticarət profisiti axtarmadığını ifadə edən Ding, ticarəti tarazlaşdırmaq üçün yüksək keyfiyyətli məhsul və xidmətləri idxal etməyə hazır olduqlarını söyləyib.
Analitiklər, ABŞ administrasiyasının tətbiq edəcəyini bildirdiyi ticarət tariflərinin ölkənin ticarət balanslarına, xüsusilə də ixrac rəqəmlərinə təsir edə biləcəyini və beləliklə, istehsal sənayesi fəaliyyətində problemlər yarada biləcəyini qeyd ediblər.
Digər xəbərlər
İngiltərədə maaşlar vergilər də daxil olmaqla son 3 ilin ən aşağı səviyyəsinə düşüb
Gündəlik kreditləșmənin artımı Mərkəzi Bankın marağında deyil - Taleh Kazımov
2025-ci ildə iqtisadiyyatımızın artımını 3,3% proqnozlaşdırırıq - Taleh Kazımov
