25.02.2025 İqtisadiyyat

0 0

ABŞ-ın İrana qarşı yeni sanksiyaları və qlobal emal marjaları güclü qaldığından neft qiymətləri bu gün də yüksəlməyə davam edir. ICE birjasında Brent markalı neftin bir barelinin qiyməti 74,84 dollara, NYMEX birjasında West Texas Intermediate markalı neftin qiyməti isə 70,83 dollara yüksəlib.

ABŞ bazar ertəsi İran neftinin daşınmasında iştirak edən 30-dan çox broker, tanker operatoru və gəmiçilik şirkətinə qarşı sanksiyalar tətbiq edib.

Fed gözləntiləri və ticarət siyasətlərinin təsiri

ABŞ prezidenti Donald Trampın proteksionist ticarət siyasəti və ABŞ Federal Ehtiyat Sisteminin (FED) iyun ayında faiz dərəcələrini aşağı salacağına dair gözləntiləri də neft qiymətlərini yüksəldir. Ekspertlər vurğulayırlar ki, aşağı faiz dərəcələri, zəifləyən dollar və iqtisadi aktivliyin artması neftə tələbatı artıra bilər.

OANDA-nın baş bazar analitiki Kelvin Wong, "Neft qiymətlərini yüksəldə biləcək xalis tələb amilləri Çin yeni stimullaşdırma siyasətini elan etdikdən sonra martın ortalarında daha aydın görünə bilər" dedi.

İraq nefti və Ceyhan limanı müqaviləsi

İraqın Neft Nazirliyi İraq Kürd Regional Rəhbərliyində hasil edilən neftin Ceyhan Limanı vasitəsilə ixracına yenidən başlanması üçün razılıq əldə edildiyini açıqlayıb. Nazir Hayyan Əbdülqəni kəmərin hazır olduğunu və yaxın iki gündə ixracın bərpa olunacağına ümid etdiklərini bildirib. Mütəxəssislər bu inkişafın qlobal neft təklifini artıra və qiymətlərə aşağı istiqamətli təzyiq göstərə biləcəyini deyirlər.