27.02.2025 İqtisadiyyat

0 0

Kriptovalyuta bazarında davam edən eniş investorları narahat etməyə davam edir. Yanvarın sonunda 3,62 trilyon dollara çatan qlobal kriptovalyuta bazarının ümumi dəyəri bu gün 2,81 trilyon dollara qədər azalaraq 810 milyard dollar itki ilə üzləşib. Son 24 saatda 4,35 faiz dəyər itkisi müşahidə edilərkən, bazarın lokomotivi olan Bitcoin ayın əvvəlindən bu yana yüzdə 17 ucuzlaşaraq 83 min 789 dollara düşüb.

Ethereum-un bazar dəyəri 15,9 faiz azalaraq 278,26 milyard dollara çatdığı halda, bitkoinin ümumi bazar dəyəri son həftədə 12,68 faiz azalaraq 1,68 trilyon dollar olub. Analitiklər azalmanı qlobal iqtisadi qeyri-müəyyənlik, riskli aktivlərin geniş satışı və bazara inamı sarsıdan ən böyük kriptovalyuta oğurluğu ilə əlaqələndirirlər.

Kriptovalyuta sektorunun investorları hesab edirlər ki, ABŞ prezidenti Donald Tramp seçki kampaniyası zamanı verdiyi kriptovalyuta vədlərini yerinə yetirməkdə gecikib. Xapo Bankın baş investisiya direktoru Gadi Chait, "Böyük kriptovalyuta siyasətlərinin gözləniləndən daha yavaş yayılması məyusedici oldu" deyib.

Bloomberg məlumatlarına görə, bazarlardakı kəskin azalma ilə investorlar son vaxtlar Bitcoin birja fondlarından (ETF) təxminən bir milyard dollar çıxmışlar. Bu, Bitcoin və digər əsas kriptovalyutaların qiymətlərində daha çox dəyişkənliyin ola biləcəyini göstərir.

Digər tərəfdən, Tramp administrasiyasının tarif siyasəti də bazarlara təzyiq göstərir. Yeni vergi siyasətləri qlobal ticarətdə qeyri-müəyyənlik yaradır ki, bu da investorları riskli aktivlərdən, o cümlədən kriptovalyutadan uzaqlaşdırır. Mütəxəssislər xəbərdarlıq edir ki, qarşıdakı həftələrdə bazarlarda volatillik davam edə bilər.