ABŞ tarifləri neftə necə təsir etdi?

Neft qiymətləri, OPEC+ qrupunun aprel ayında hasilatı artırmaq planı və ABŞ-ın tətbiq etdiyi tariflərdən qaynaqlanan tələb narahatlıqları səbəbindən ucuzlaşmağa davam edir.

Neftin qiymətləri Neft İxrac Edən Ölkələr Təşkilatı (OPEC) və bəzi qeyri-OPEC ölkələrindən ibarət OPEC+ qrupunun aprel ayında hasilatı artırmaq planı, eləcə də ABŞ-ın tətbiq etdiyi gömrük rüsumlarının yaratdığı tələb narahatlıqları səbəbindən ucuzlaşıb. Brent markalı neftin bir barelinin qiyməti bu gün saat 09:59-a olan bağlanış qiyməti ilə müqayisədə təxminən 0,27 faiz azalaraq 70,77 dollar olub. Eyni zamanda West Texas Intermediate (WTI) markalı xam neftin bir barreli 67,55 dollara alınıb. Bildirilir ki, texniki olaraq Brent neftinə müqavimət kimi 73,92 dollar, dəstək kimi isə 69,66 dollar izlənilə bilər.

Ötən gün 71,43 dollara kimi bahalaşan Brent markalı neftin bir barel qiyməti günü 70,96 dollarla bağladı.

Hansı inkişaflar baş verdi?

Səudiyyə Ərəbistanı, Küveyt, Birləşmiş Ərəb Əmirlikləri, Oman, Qazaxıstan, İraq, Rusiya və Əlcəzairin könüllü olaraq həyata keçirdiyi gündəlik 2,2 milyon barellik hasilat kəsimindəki ilk hasilat artımı əvvəldən planlaşdırıldığı kimi aprel ayında başlayacaq. Bu ölkələr gələn ay hasilatı gündəlik 138 min barel artıracaq.

Mənfi tələb və təklif balansının hökm sürdüyü bazarlarda Brent markalı neftin barel qiyməti 2024-cü ilin oktyabrından bəri ilk dəfə olaraq 70 dollardan aşağı düşüb.

ABŞ ən mühüm ticarət tərəfdaşları olan Meksika və Kanadaya tariflər tətbiq etməyə başlasa da, ölkənin dünyanın ən böyük xam neft idxalçısı olan Çinə gömrük rüsumlarını artırması bazarlarda ticarət müharibəsinin dərinləşə biləcəyi və qlobal ticarətin pozula biləcəyi ilə bağlı narahatlıqları artırır.