USD1,7000
EUR1,8634
GBP2,1133
RUB0,0208

Destatis: Almaniyanın 1990-cı ildən bəri ən yüksək bələdiyyə büdcə kəsiri!

02.04.2025 İqtisadiyyat
0 0
Almaniyada bələdiyyələr və bələdiyyə birlikləri keçən il 24,8 milyard avro büdcə kəsiri ilə üzləşib. Büdcə kəsiri Şərqi və Qərbi Almaniyanın yenidən birləşdiyi 1990-cı ildən bəri ən yüksək kəsirdir. Mövzu ilə bağlı rəqəmsal məlumatları Almaniya Federal Statistika İdarəsi (Destatis) açıqlayıb.

Destatis Almaniya bələdiyyələrinin 2024-cü il büdcələri ilə bağlı ilkin məlumatları dərc edib. Almaniyada bələdiyyələrin və bələdiyyə birliklərinin keçən il büdcə kəsiri 24,8 milyard avro olub. Səlahiyyətlilər sosial yardımların artırılmasının ötən ilki bələdiyyə büdcəsi kəsirinin əsas səbəbi olduğunu vurğulayıblar.

"Bu büdcə kəsiri Almaniyanın 1990-cı ildə yenidən birləşməsindən bəri ən yüksək bələdiyyə büdcə kəsiridir. Keçən ilki kəsir 6,6 milyard avro təşkil edən 2023-cü ilə nisbətən əhəmiyyətli dərəcədə artıb", - deyə səlahiyyətlilər mövzu ilə bağlı açıqlamasında bildiriblər.