Şimali Koreya ABŞ və Yaponiyanın birgə raket istehsalı qərarını qınayıb

Şimali Koreya ABŞ və Yaponiyanın birgə raket istehsal etmək barədə razılığa gəldiyi qərarı pisləyərək, bunun "Asiya-Sakit okean regionunda qeyri-sabitliyi artıracağını" deyib.

Şimali Koreya Mərkəzi Xəbər Agentliyinin (KCNA) verdiyi xəbərə görə, Xarici İşlər Nazirliyi Vaşinqton və Tokio administrasiyalarının AIM-120 orta mənzilli raketin birgə istehsalı ilə bağlı imzaladığı razılaşmaya verdiyi açıqlamada reaksiya verib.

“ABŞ-ın region ölkələri ilə yeni müdafiə əməkdaşlığı getdikcə aqressivləşib” Bəyanatda bu addım “Asiya-Sakit Okean regionunda qeyri-sabitliyi artıracağı” üçün pislənilib və ABŞ-ın müdafiə sahəsində regional ölkələrlə yeni əməkdaşlığının “getdikcə aqressivləşdiyi” iddia edilib.

Bəyanatda Pxenyanın “ABŞ və onun müttəfiqləri tərəfindən yaradılan qeyri-sabit təhlükəsizlik mühitinə” fəal reaksiya verəcəyi barədə xəbərdarlıq edilib.

ABŞ-ın müdafiə naziri Pit Heqset Asiyaya ilk səfərini etdiyi Yaponiyada həmkarı general Nakatani ilə görüşüb.

Nazirlər AIM-120 orta mənzilli hava raketlərinin birgə istehsalına erkən başlamaq və SM-6 zenit-raket komplekslərinin istehsalını sürətləndirmək barədə razılığa gəliblər.