Apple bir gündə 310 milyard dollar itirdi

Trampın yeni tarifləri elan etməsindən sonra Apple səhmləri 9,25 faiz dəyər itirdi. Beləliklə, şirkətin bazar dəyəri bir gündə 310 milyard dollar əriyib, 3,052 trilyon dollara düşüb. Morgan Stanley analitiki Erik Vudrinq bildirib ki, Asiyada istehsal müəssisələri olan Apple tariflərə görə ABŞ-dakı məhsullarının qiymətlərini 17%-18% artırmağa məcbur ola bilər.

ABŞ fond bazarları təxminən beş ilin ən pis gününü yaşasa da, texnologiya nəhəngi Apple-ın səhmləri 9,2 faizlə günün ən diqqətəlayiq enişlərindən birini yaşadı.

Beləliklə, şirkətin bazar dəyəri bir gündə təxminən 310 milyard dollar azalaraq 3 trilyon 52 milyard dollara düşüb. Apple səhmləri beş ilin ən kəskin ucuzlaşmasına məruz qaldı, çünki şirkətin Trampın tariflərindən ən çox təsirlənən şirkətlərdən biri olduğu düşünülürdü.

ABŞ prezidenti Donald Tramp “Apple” şirkətinin istehsal müəssisələrinin olduğu bütün Asiya ölkələrinə əlavə rüsumlar tətbiq etməyə başlayıb. Bu yaxınlara qədər Apple istehsalında əsasən Çinə arxalanırdı, lakin son illərdə istehsalını diversifikasiya etmək qərarına gəldi. Bu səbəbdən son illərdə Hindistan istehsalı olan iPhone-ları, Vyetnam istehsalı olan Airpodları və Malayziya istehsalı olan Mac kompüterlərini ABŞ-da almaq mümkün olub.

Trampın tarifləri artırmasının Apple-ın xərclərini artıracağı gözlənilir.

Morgan Stanley analitiki Erik Vudrinq, "Apple tədarük zəncirini şaxələndirmək üçün Vyetnam, Hindistan və Tayland kimi bazarlara üz tutdu. Lakin bu ölkələr də qarşılıqlı tariflərə tabedir. Buna görə də qaçmaq mümkün deyil" dedi.