Roma Papası Fransisk vəfat edib

Katoliklərin ruhani lideri Papa Fransisk vəfat edib. Vatikandan verilən açıqlamada 88 yaşlı Papanın səhər saat 07:35-də Casa Santa Martadakı iqamətgahında dünyasını dəyişdiyi bildirilib.

Dünya üzrə 1,2 milyard üzvü olan Katolik Kilsəsinin ruhani lideri, Vatikanın dövlət başçısı Papa Fransisk 88 yaşında vəfat edib.

Papa Fransisk sonuncu dəfə dünən Pasxa bayramı münasibətilə Vatikanın Müqəddəs Pyotr meydanında xalqı salamlayıb.

Papa Fransisk 13 mart 2013-cü ildə 115 kardinal arasından Papa seçilərək, Amerika və Cənubi Yarımkürədən seçilən ilk Latın Amerikası əsilli Papa oldu. Kilsə daxilindəki islahatları ilə diqqət çəkən və son vaxtlar səhhətindəki problemlər ilə gündəmə gələn Papa Fransiskdən sonra Vatikan yeni liderini müəyyən edəcək.

Yeni Papa necə müəyyənləşəcək?

Yeni Papa Roma Katolik Kilsəsinə pontifikasiya adlanan prosedurla rəhbərlik etməyə qərarlıdır. Yalnız yaşı 80-dən aşağı olan kardinalların səs verə biləcəyi seçki Vatikan sarayının Sikstin kapellasında keçirilir.

Kapellaya girərkən bütün kardinal seçicilər gizlilik andı içirlər və gizli səsvermə keçirilir. Yeni papanın seçilməsi üçün üçdə iki səs çoxluğu tələb olunur. Bu həddə çatdıqdan sonra yeni seçilmiş papa seçildiyini təsdiqləyir və papa adını seçir.