Avropanın əczaçılıq nəhəngləri ABŞ-a üz tutdu

ABŞ-ın idxala tətbiq etdiyi əlavə gömrük rüsumlarına qarşı Avropalı əczaçılıq nəhənglərindən investisiya addımları gəlir. İsveçrənin Roche şirkəti ABŞ-a 50 milyard dollar sərmayə qoyacağını və 12 min insanı işlə təmin edəcəyini açıqlayıb. Şirkətin bu addımı ABŞ və İsveçrə arasında kommersiya əlaqələrini gücləndirmək məqsədi daşısa da, Novartis, Eli Lilly və Johnson & Johnson, eləcə də Roche şirkətləri də oxşar investisiya qərarları qəbul ediblər.

İsveçrə prezidenti Karin Keller Sutterin bu həftə Vaşinqtonda ABŞ-ın İsveçrə idxalına 31 faizə qədər mümkün tarifləri müzakirə etmək üçün danışıqlar aparacağı gözlənilir. Bu prosesdə İsveçrə şirkətlərinin ABŞ-dakı investisiya elanlarının Sutterin əlini gücləndirəcəyi gözlənilir.

Roche-nin mövzu ilə bağlı verdiyi açıqlamada bu ifadələr yer alıb: “Bizim investisiyalarımız da İsveçrə hökuməti ilə razılaşdırılıb və ABŞ və İsveçrə arasında aparılan danışıqların bir hissəsidir”.

12 min insan üçün yeni iş imkanları!

Roche-nin planlaşdırdığı sərmayə çərçivəsində cəmi 12 min adama yeni məşğulluq yaradılması hədəflənir. Bildirilib ki, bu rəqəmin təxminən yarısı tikinti sahəsində, minə yaxınının isə yeni müəssisələrdə və mövcud fabriklərin genişləndirilməsində işlə təmin olunacağı bildirilib.

Şirkət 2024-cü ildə ABŞ bazarındakı satışlarının 48 faizini astma və qida allergiyası üçün hazırlanmış Xolair və MS müalicəsində istifadə edilən Ocrevus kimi dərmanlardan əldə etdiyi gəlir sayəsində reallaşdırmışdı.

Narmin Gani

Xəbərin müəllifi

Facebok Twitter LinkedIn

Əvvəlki
Google antiinhisar işində 'parçalanma' təhlükəsi ilə üzləşir
Sonrakı
ABŞ-da pərakəndə satışlar yüksəlir

Digər xəbərlər

22.04.2025 İqtisadiyyat