Neft qiymətləri eniş trendini davam etdirib

Beynəlxalq bazarlarda Brent markalı neftin bir barreli 64,16 dollara satılır.

Ötən gün 65,93 dollara kimi bahalaşan Brent markalı neftin bir barel qiyməti günü 64,62 dollarla bağladı. Brent markalı neftin bir barelinin qiyməti bu gün saat 09:19-a olan bağlanış qiyməti ilə müqayisədə təxminən 0,7 faiz azalaraq 64,16 dollar olub. Eyni zamanda West Texas Intermediate (WTI) markalı xam neftin bir barreli 61,20 dollara alınıb.

ABŞ və Çin arasında tarif mübahisəsi qlobal iqtisadi proqnozları və Neft İxrac Edən Ölkələr Təşkilatı (OPEC) və OPEC+ istehsalçı ölkələr qrupunun iyun ayında hasilatı artırmaq planlarını zəiflətdiyi üçün neft qiymətləri aşağı enməkdə davam edir.

Pekinin ABŞ prezidenti Donald Trampın Çin sədri Si Tszinpinlə tariflərlə bağlı danışdığı iddiasını rədd etməsi dünyanın ən böyük neft istehlak edən və ən böyük neft idxal edən ölkələrində ticarət müharibələrinin dərinləşəcəyi və tələbin zəifləyəcəyi ilə bağlı narahatlıqları gücləndirir.

ABŞ prezidenti Donald Tramp aprelin 25-də “Time” jurnalına verdiyi müsahibədə, daha sonra Papa Fransiskin dəfnində iştirak etməzdən əvvəl jurnalistlərə verdiyi açıqlamada Çin Dövlət Başçısı Xi Jinping ilə tariflərlə bağlı danışdığını iddia edib və detalların lazımi vaxtda açıqlanacağını bildirib.

İki ölkə arasında tariflərin hesablaşması nəticəsində ABŞ Çinə tətbiq etdiyi tarifləri 145 faizə, Pekin isə 125 faizə qaldırıb. Vaşinqton administrasiyası digər ölkələrə tətbiq etdiyi qarşılıqlı tarifləri 90 gün təxirə salsa da, Çini hədəf alan tariflər artıq qüvvəyə minib.